fountain in languages
أختر لغة شبكة النافورة للفنون من هنا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الساعة الآن
ـــــــــــــــــــــــــــــــــــــــــــــــــــــــــــــــــــــــــــــــ
شبكة النافورة
Like/Tweet/+1
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
المواضيع الأخيرة
» تحميل فيلم Convergence 2015 HDRip مترجم
الخميس 18 أغسطس 2016 - 3:31 من طرف الزهراء الليبية

» رواية الأسود يليق بكِ لـ أحلام مستغانمي
الخميس 18 أغسطس 2016 - 3:10 من طرف الزهراء الليبية

» تحميل كتاب : 1000 سؤال و 3000 اجابة
الخميس 18 أغسطس 2016 - 2:19 من طرف الزهراء الليبية

» الصيد على لعبانــــي
الخميس 28 نوفمبر 2013 - 22:14 من طرف الدعم الفني

» جمعية الفنانين المتحدين
الأربعاء 29 مايو 2013 - 16:12 من طرف هيثم

» بيناتكم يا ساكنين الحارة .
الأربعاء 20 فبراير 2013 - 15:59 من طرف الزهراء الليبية

» اشرس هزائم نابليون (( معركة واترلو))
الأربعاء 20 فبراير 2013 - 15:29 من طرف الزهراء الليبية

» دراسات تراثـيـة
الأربعاء 31 أكتوبر 2012 - 0:27 من طرف منيرتاج الدين

مكتبة الصور


بحـث
 
 

نتائج البحث
 


Rechercher بحث متقدم

برامج تهمك
 

 

 

 

 

  

 

 

 

 

 

 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أشترك مجاناً لتصلك كل المواضيع .

Enter your email address:

Delivered by FeedBurner

تدفق ال RSS


Yahoo! 
MSN 
AOL 
Netvibes 
Bloglines 


ـــــــــــــ

.: عدد زوار المنتدى :.

New Page1

القدس

الأيام

الاقتصاديه

اليوم

 الشرق الاوسط

cnn

bbc

اخبار الخليج

العربيه

البيان

الجزيرة

المدينة

الرياض

الوطن

عكاظ

الوطن

الرايه

سيدتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ جميع الحقوق محفوظة لـ{شبكة النافورة للفنون}
®{ حقوق الطبع والنشر©2016 -
20015


قصة (( سالــــم )) .

اذهب الى الأسفل

default قصة (( سالــــم )) .

مُساهمة من طرف شيبوب في الإثنين 19 أبريل 2010 - 12:06

( الجزء الاول ) .

أختصار شديد .. سالم ماسك توكة عمل ..

التفاصيل :-

سالم : - وااااااااااك.. الساعة توا ال 2 و نفخ ل النعى شنى بيفوته الوقت بس لى 8 الصبح الهم لاحرف التلفزيون مكسد ومافيش فيلم مليح علي ال mbc2 ....

شنى البرنامج توا زعما ما فيش حتي دخّان إنفتوا بيه الوقت ...

دورة يشبح لى الهاتف ويدير الضحكة ...

.. خلى نتّصِل بِأي رقم من جماعة ال ليبيانا.. بالك نلقوا واحد نتسهوكوا عليه في هالليل و أهوا نطيروا بيه الكساد شوية ...

جاري الاتصال ....

-------------

وثواني رد الطرف الأخر ,, والذي كان صوت رجل ...

سالم: مساء الخير ,, منو عبد المُعطي ...

الطرف الاخر: منو عبد المُعطي يا خُوي .. لا غَالط ...

سالم : مش هذا تليفُون عبد المُعطي ...

الطرف الاخر: تي منو عبد المُعطي.. مش قلنالك غالط ...

سالم : توا يا عبد المُعطي ادير في روحك مش عبد المُعطي وانت عبد المُعطي يا عبد المُعطي ....

الطرف الاخر : اللهُم طولِك يا رُوح مش عيب عليك يا راجل توا تقلّق في الناس في إِنفاص الليل .. ما وراكش خدمة الصبح ,, و ما ترقدش في الليل ولا كيف يا كبادي ...

سالم: ما نرقدش.. شادها قيام الليل أني .. ديرلي روحك توا ماتندري على شئ يا عبد المُعطي وين ال 50 جني اللي نبيهم منك ...

الطرف الاخر : لا أنت الباين فاضي رسمي ... هي تصبح على خير ....

---------

سالم : صكر هالمسخ خلى نغيروا الرقم الاخير .. بدل الثلاثة نديروه خمسة ..

الوووووووووووو .. منو عبد المعطي ...

" ويطلع صوت أنثوي من الجهة الاخرى "

الفتاة : لا يا خوي غالط .. هذا مش تليفون عبد المعطي ..

سالم : أمالا أكيد تليفون أخت عبد المعطي ..

الفتاة : ولا تليفون أخت عبد المعطي ...

سالم: امالا اكيد بنت عم عبد المعطي ...

الفتاة : وااااااااااااااااااك .. ما عندناش حد في العيلة اصلا اسمه عبد المعطي ..

سالم : باهي مش ناويين تسموا حد عبد المعطي في المستقبل ؟

الفتاة : لا مش ناويين ...

سالم : اها .. توا زبطتك انتي منو ,, إنتي أكيد بنت شارع عبد المعطي ...

الفتاة : انت الباين عليك دمك خفيف ..شن إسمك ..

سالم : اسمي سالم ويدلعوا فيا عبد المعطي ...

الفتاة : ههههههههههههههه ,, اسمع اني بنرقد توا كلمنى غضوة باهي ...

سالم بينه وبين نفسه : استنى لى التوكة الجاية وهي بعد غدوة ...

سالم : أوكي .


=========================
انتظروا ..... الجزء التانى بعد الردود ... هذا لو فيه ردود ... وكان مافيش بعد أيام ....
avatar
شيبوب
---------
---------

الجنس : ذكر
الابراج : الحمل
عدد المساهمات : 36
نقاط : 42
تاريخ التسجيل : 13/01/2010
العمر : 39
الموقع : الخمس / ليبيا
عارضة النشاط :
0 / 1000 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف الشاعر أشرف الزرقاني في الإثنين 19 أبريل 2010 - 15:26



شيبوب
مايطلع منك ياشيبوب ههههههههههههه
هذه قصص واقعية ومن الواقع
والله عجبتني وهذا أول رد ليك
وأني علي أحر من الجمر نراجي في الأجزاء الأخرى
هههههههه منور ياشيبوب ياكسايدي



أسير وعملاق النجع
وإبن الفرقة الوطنية للفنون الشعبية
avatar
الشاعر أشرف الزرقاني
المراقب العام
المراقب العام

الجنس : ذكر
الابراج : الجدي
عدد المساهمات : 1025
نقاط : 1318
تاريخ التسجيل : 06/12/2009
العمر : 40
الموقع : طرابلس ..جنزور الشرقية
عارضة النشاط :
60 / 10060 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف الزهراء الليبية في الأربعاء 21 أبريل 2010 - 14:14

ههههههههههه .... هههه ..
أن شاء الله غير ماتطلعش انت سالم ياشيبوب .....
بداية قصة تبدو ممتعة .....
avatar
الزهراء الليبية
نائبة المير
نائبة المير

الجنس : انثى
الابراج : العذراء
عدد المساهمات : 242
نقاط : 360
تاريخ التسجيل : 03/12/2009
الموقع : طرابلــــــــــس
عارضة النشاط :
50 / 10050 / 100


الرجوع الى أعلى الصفحة اذهب الى الأسفل

default قصة سالم .. الجزء التانى

مُساهمة من طرف شيبوب في السبت 1 مايو 2010 - 16:39

الجزء التاني


وجاى اليوم وسالم شاد التوكة .

سالم : خلى نتصلو بيها نكسرو عليها اللوز.

جاري الاتصال ,,,,


الفتاة : الوووو منو !؟؟

سالم : انى لى اتصلت بيك اول امس فى الليل .

الفتاة : مع الساعة قداش اتصلت بيا .

سالم : شنى امالا امدايرة جدول .

الفتاة : لالا غير مرات اختى راهو .

سالم : اتصلت بيك مع الساعة 2 ونص هكى .

الفتاة : ايييييييييه عرفتك مش بتتصل بيا امس .

سالم : كنت مشغول والله ما فضيتش والنقال امتعى ما فيشى رصيد .

الفتاة : آآه باهي ...

سالم : يِبَهّي أيّامك ويفتحها قِدامك إن شاء الله .

الفتاة : إن شاء الله ..

سالم : ما تعرفناش على اسمك ..

الفتاة : اسمى نورهان ..

سالم : عاشت الاسامي ..

الفتاة : شكرا ....

سالم : شنى قنينة زى اسمك ؟

الفتاة : اكيدة هادى يا سلومة ما تحكش فيها راسك .

سالم : مليح ترا اوصفيلى شكلك .

نورهان بينها وبين نفسها : شنى بنقوله توا هذا خلى نسنفزوا عليه بالك يشد معاى واهو نفوتوا بيه الوقت

سالم : الوووووووو معاى انتى .

نورهان :اه اه ايه ايه معاك ,, انى بيضة وعيونى كبار وخمشى واقف وقوف تقول خلال ومش سمينة ولا ضعيفة جسمى متناسق .

سالم : مشاء الله معناها طرف مش عادي .

نورهان : إيه طرف ,,, وإنت ؟

سالم بينه وبين نفسه : كان بنقوللها انى برفانقو وندره الكبد بتفوتنى وتصكر عليا .

سالم : انى واعوذ بالله من كلمة انى ابيض وشعرى رطب هلباااااااااااااا وخشمى صغير و واقف وعيونى عاديات لكن ماشيات معاى وجسمى معبي لأنى نتمرن فى الحديد .

نورهان : شكلك طرف وماشاء الله عليك .

سالم : الحمد الله على كل شئ .

نورهان : ايه صح الحمد الله على كل شئ .

سالم : وين تقرى انتى ؟

نورهان : نقرا فى الجامعة فى كلية العلوم .

سالم : إن شاء الله با التوفيق .

نورهان : وانت شنى تقرا و تخدم ؟

سالم : اه اه انى ,, نخدم فى شركة نفط

نورهان : كويس معناها مستريح .

سالم : الحمد الله ,, تعرفى يا نورهان استريحتلك هلبا .

نورهان : حتى انى إستريحتلك يا سلومة .

سالم : ما عندكش صاحب انتى ؟

نورهان : كان عندى وفُتّه على خاطر لقانى واقفه على ولد يقرا معاى .

نورهان بينها وبين نفسها : إييييييه بالله كان لقانى واقفه على واحد بس كله باهي .

سالم : اكيدة يغار عليك .

الفتاة : اه ايه ايه ,, وإن شاء الله إنت مش زيّه بس .

سالم : لالا انى free

سالم بينه وبين نفسه : أوقفى والا قعمزى و اني شني دخلنى بيك إتقولي بنتزوجك توا !!

نورهان : مليح .

سالم : خلاص شنى نتلاقوا ؟؟

نورهان : باهي وين ؟

سالم : نجيك الجامعة غضوة .

نورهان : باهي لكن الاسبوع اهوا اهنى ما عنديش ل الأحد .

سالم بينه وبين نفسه : باهي هو اليوم الاربعاء وغدوة والجمعة ما نخدمش والسبت نخدم ,, مليح اهو حتى نتصل بيها نقوللها كيف نعرفها واهو نربطوا على طرحة مليحة من واحد من ولاد الشارع .

نورهان : اه وين سرحت يا عمري .

سالم : معاك معاك يا عمرى ,, باهى خلاص نتصل بيك السبت زى الوقت اهوا ونتفاهموا على كل شى ,, و توا تصبحي على خير .

نورهان : اوكى ,, وانت من أهل الخير .
avatar
شيبوب
---------
---------

الجنس : ذكر
الابراج : الحمل
عدد المساهمات : 36
نقاط : 42
تاريخ التسجيل : 13/01/2010
العمر : 39
الموقع : الخمس / ليبيا
عارضة النشاط :
0 / 1000 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف محمد الرويمي في الأحد 2 مايو 2010 - 10:27

شكرا اخي شيبوب على هذه القصة الواقية كما انه لديك اسلوب في السرد يزيد من تشويق القارئ كلما قرأ جزءا ماشاء الله

ولكني اردت ان اسئل بما انه لكل قصة بطل من البطل في هاذين الطرفين لأنه الى حد الان غير واضح


والا نقوللك ماتقولش من البطل خلي عنصر التشويق يزيد afro
avatar
محمد الرويمي
عضو نشيط
عضو نشيط

الجنس : ذكر
الابراج : الجدي
عدد المساهمات : 177
نقاط : 190
تاريخ التسجيل : 12/12/2009
العمر : 32
الموقع : سوق الجمعة/ الغرارات
عارضة النشاط :
50 / 10050 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف الشاعر أشرف الزرقاني في الإثنين 3 مايو 2010 - 6:25



شيبوب
ما شاء الله عليك ياشيبوب ... عوينتي ماضرك
وزي ماقال خوي الرويمي سردك للأحداث جميل ورائع
وحني متشوقين لنهاية القصة وشنو بيصير لسالم ونورهان


أسير وعملاق النجع
وإبن الفرقة الوطنية للفنون الشعبية
avatar
الشاعر أشرف الزرقاني
المراقب العام
المراقب العام

الجنس : ذكر
الابراج : الجدي
عدد المساهمات : 1025
نقاط : 1318
تاريخ التسجيل : 06/12/2009
العمر : 40
الموقع : طرابلس ..جنزور الشرقية
عارضة النشاط :
60 / 10060 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف الزهراء الليبية في الثلاثاء 4 مايو 2010 - 11:29

والله ... شوقتنا لنهاية القصة ياشيبوب .... زعمة شنى يبى يصير فى النهاية ...
نحن فى الأنتظـــــار .. أكيذ البطل شيبوب يارويمى .
avatar
الزهراء الليبية
نائبة المير
نائبة المير

الجنس : انثى
الابراج : العذراء
عدد المساهمات : 242
نقاط : 360
تاريخ التسجيل : 03/12/2009
الموقع : طرابلــــــــــس
عارضة النشاط :
50 / 10050 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف شيبوب في الثلاثاء 18 مايو 2010 - 22:33

الجزء الثالث والأخير .


سالم : اهوا جى السبت خلى نتّصلو ب نورهان ونربطوا على غدوة

جاري الاتصال ,,

::::::

هاتف نورهان فى حالة إنتظار

وتهدرز على صاحبها التانى

:::::::

سالم : فى منو تكلم أهيا فى عقابات الليل

جاري الاتصال ,,

اهو ينادي مليح

سالم : الووووو نورهان

نورهان : ايه

سالم : انى سالم يا نورهان

نورهان : ايه عرفتك شنى امورك

سالم : الحمدالله ,, تعرفى استاحشتك هلبااا

نورهان : حتى انى استاحشتك

سالم : تليفونك كان إنتظار فى منوا كنتى تكلمي !؟

نورهان : اه اه ,, هادى صاحبتى كانت تكلم فيا وقالتلى جيبيلى معاك الشيت متاع الجيلوجيا

سالم : اااااااااااااه به

نورهان :اه شنى بتلبسلى سلومة غضوة

سالم بينه وبين نفسه : بنصهد البدي الازرق متاع سراج و السروال الاكحل متاعه ,, والسبيدروا متاع وسام ,, مليح بكل

نورهان : اه سلومة إنت قاعد

سالم : إيه إيه قاعد ,, غير كنت إنفكر نلبسلك البدلة الطليانية ولا الامريكية ؟

ولا إنقلوك خلي إنجي عادي وخلاص توا نلبس بدي ازرق وسروال اسود

نورهان : والبس معاهم نظارة شمسية باش نعرفك بيهم يا سلومة

سالم : تي من وين بنجيبلها النظارة توا اهيا

الفتاة : اه

سالم : اوكي اوكي ما فيش مشكلة يا حياتي توا نلبس وحدة من نظاراتي

::::::

ويجي اليوم الموعود ,,

سالم وبنقّال N70 خذاه جياشة من واحد من ولاد شارعه

سالم : الو نورهان

نورهان : خير يا سالم

سالم : وين قاعدة توا إنتي ؟

نورهان : اني قاعدة قدام الكفتيريا متاع العلوم

سالم : وحتي اني قاعدة غادي

نورهان : اهوني اهوني إنشوف في واحد لابس بدي ازرق وسروال اكحل

سالم : إيه اني اهوا
:
::
:::
::
:
ويتلفت سالم ,, ويشبح نورهان ,, وهي تشبحه
:
::
:::
::
:
نأسف الخدمة مُشفرة ,, نرجوا تجديد الاشتراك .
avatar
شيبوب
---------
---------

الجنس : ذكر
الابراج : الحمل
عدد المساهمات : 36
نقاط : 42
تاريخ التسجيل : 13/01/2010
العمر : 39
الموقع : الخمس / ليبيا
عارضة النشاط :
0 / 1000 / 100


الرجوع الى أعلى الصفحة اذهب الى الأسفل

default رد: قصة (( سالــــم )) .

مُساهمة من طرف الشاعر أشرف الزرقاني في الجمعة 28 مايو 2010 - 15:05



شيبوب
الله الله عليك ياخوي ياشيبوب
فعلاً قصة جميلة واقعية لكن حرام عليك خليتنا متعلقين في نهاية الحلقة ماعرفناش شنو صار لكن أني انحس في سالم اغمى عليه من شكل نورهان ماكانش يتوقع جمالها هكي مشي صاخ هههههههه



أسير وعملاق النجع
وإبن الفرقة الوطنية للفنون الشعبية
avatar
الشاعر أشرف الزرقاني
المراقب العام
المراقب العام

الجنس : ذكر
الابراج : الجدي
عدد المساهمات : 1025
نقاط : 1318
تاريخ التسجيل : 06/12/2009
العمر : 40
الموقع : طرابلس ..جنزور الشرقية
عارضة النشاط :
60 / 10060 / 100


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى